“Nuk është rritur punësimi, por është shtuar numri i qytetarëve që kanë gjetur punë jashtë Kosovës”

Ish-zëvendësministri Edison Jakurti, ka publikuar statistikat lidhur me lejeqëndrimet për punësim në BE. Jakurti ka theksuar se nuk ka pasur shtim të punësimit në Kosovë, por që është shtuar numri i qytetarëve që kanë shkuar për të punuar jashtë. Postimi: Gjatë periudhës 2015–2019, 39,143 qytetarë të Kosovës kanë marrë për herë të parë lejeqëndrim për punësim në BE. Pas pandemisë (2020–2024), ky numër pothuajse është dyfishuar, duke arritur në 73,847. Ky dallim kaq drastik është një sinjal i qartë se gjatë kësaj periudhe tregu i punës në Kosovë nuk ka shënuar përmirësime të dukshme sa i përket punësimit. Po ashtu, ai e konfirmon qartë edhe atë që dihet në mënyrë anekdotale: shkalla e papunësisë ka rënë në mënyrë drastike, sepse numri i largimeve të qytetarëve për të gjetur punë jashtë Kosovës është rritur në mënyrë rapide.