Kandidati për deputet nga radhët e PDK-së, Rashit Qalaj, ka vazhduar takimet me qytetarë në kuadër të fushatës elektorale. Këtë herë, ai ka qëndruar në Sllatinë të Poshtme, ku është pritur në konakun e Besim Frangut, në një atmosferë miqësore dhe bashkëbiseduese.
Në këtë takim ishin të pranishëm edhe kandidati tjetër për deputet, Lulzim Aliu, si dhe Arton Musliu. Qalaj falënderoi familjen Frangu për mikpritjen e ngrohtë dhe theksoi rëndësinë e takimeve të drejtpërdrejta me qytetarët, si mënyra më e mirë për të dëgjuar shqetësimet dhe pritjet e tyre.
“Mbështetja e qytetarëve dhe këto takime të sinqerta na japin forcë dhe besim për të vazhduar përpara me vizionin e PDK-së për Kosovën,” u shpreh Qalaj.
Takimet e tilla, sipas tij, dëshmojnë angazhimin e PDK-së për të qenë pranë qytetarëve dhe për të ndërtuar një të ardhme më të mirë për vendin.
#PDK130
#BedriHamza1
#RashitQalaj26