E para e shtetit, Vjosa Osmani po synon edhe një mandat të dytë si presidente e Kosovës.
Përmes një postimi në Facebook, Osmani ka nisur të promovoj veten. Ajo ka publikuar një video të takimeve që ka zhvilluar përgjatë këtyre pesë viteve.
“Pesë vjet në përfaqësim të Republikës, pesë vjet me një synim të vetëm. Kosova para së gjithash”, thotë Osmani.
Teksa ka theksuar se “zëri i Kosovës po fuqizohet çdo ditë”, presidentja ka kërkuar që videoja e saj të shpërndahet në mënyrë që ta dëgjojnë të gjithë. /Insajderi.org