Një zë i urtësisë dhe i dinjitetit, që luftoi për një Kosovë të lirë, demokratike dhe të orientuar drejt Perëndimit.
Sot kujtojmë Enver Malokun, intelektualin e qetë, atdhetarin dhe bashkëpunëtorin e afërt të Presidentit historik Dr. Ibrahim Rugova. Ai ishte zëri i urtësisë dhe i dinjitetit në kohët më të vështira për Kosovën, arkitekt i komunikimit politik që e çoi të vërtetën tonë përtej kufijve.
Presidentja Vjosa Osmani thekson se Enver Maloku besoi te fuqia e fjalës, dialogu dhe vizioni rugovian i lirisë, duke punuar për një Kosovë të lirë, demokratike dhe të orientuar drejt Perëndimit. Ai shërbeu atdheut me integritet dhe përkushtim, duke lënë gjurmë të thella në rrugën shtetformuese të vendit.
Vrasja e Enver Malokut mbetet një krim që kërkon zbardhjen dhe vënien e autorëve para drejtësisë, një obligim i institucioneve dhe borxh ndaj zërit të së vërtetës.
Presidentja Osmani përfundon mesazhin me një homazh të thjeshtë, por të fuqishëm: “Lavdi jetës dhe veprës së Enver Malokut!”