Njësia e Trafikut të Kryeqytetit të Policisë së Kosovës ka identifikuar dhe gjobitur një shofer për shkak të vozitjes së rrezikshme në rrugët e Prishtinës.
Sipas Policisë së Kosovës, shoferi është hasur duke kryer manovra të rrezikshme me veturë, veprime të cilat kanë rrezikuar seriozisht sigurinë e pjesëmarrësve të tjerë në trafik.
“Pas identifikimit të tij, njësitet policore kanë ndërmarrë veprimet e nevojshme ligjore dhe ndaj shoferit është shqiptuar gjoba për kundërvajtje në komunikacion, në përputhje me dispozitat ligjore në fuqi”, thuhet në njoftimin e PK’së.
Policia e Kosovës ka apeluar tek të gjithë drejtuesit e automjeteve që të respektojnë rregullat e trafikut dhe të tregojnë kujdes të shtuar gjatë vozitjes, me qëllim të rritjes së sigurisë rrugore për të gjithë pjesëmarrësit në komunikacion.