Suedia do të shpenzojë 15 miliardë korona suedeze (rreth 1.6 miliardë dollarë) për të forcuar sistemet e saj të mbrojtjes ajrore, tha qeveria të dielën, shkruan Reuters.
Qëllimi i këtij investimi është kryesisht mbrojtja e civilëve dhe e infrastrukturës kritike nga kërcënimet ajrore.
Përvoja e luftës në Ukrainë ka treguar qartë se sa e rëndësishme është një mbrojtje ajrore e fuqishme dhe e qëndrueshme, tha Ministri i Mbrojtjes Pål Jonson gjatë një konference sigurie.
Në kuadër të kësaj strategjie, Suedia do të blejë sisteme të mbrojtjes ajrore me rreze të shkurtër për të mbrojtur qytetet, urat, termocentralet dhe objektet e tjera kyçe.
Kryeministri Ulf Kristersson gjithashtu kritikoi atë që ai e quajti “retorikë kërcënuese” të administratës amerikane ndaj Grenlandës dhe Danimarkës, duke thënë se SHBA-ja duhet të falënderonte Danimarkën për aleancën e saj besnike.