Asamblisti i PDK’së, Hysi Hadri, ka dhënë dorëheqja nga të gjitha pozitat që ka mbajtur në këtë parti.
Në njoftimin për largim, ai ka lëshuar akuza ndaj ish-partisë duke folur “për kapje të degës” dhe shfrytëzim të saj për interesa personale.
“Fatkeqesisht, ata qe punuan dhe u sakrifikuan u anashkaluan pothuajse plotesisht, ndersa persona qe nuk kontribuuan ne proces po marrin vemendjen dhe trajtimin qe nuk e meritojne. Per shkak te kesaj qasjeje te padrejte, selektive, kapjes se deges nga persona te caktuar dhe shfrytezimit te saj per interesa personale, sot kam marre vendimin tim te pakthyeshem: Terhiqem plotesisht nga Partia Demokratike e Kosoves dhe nga te gjitha pozitat qe kam mbajtur ne parti”, ka shkruar Hadri.
Ai tha se do të vazhdojë të jetë pjesë e Kuvendit Komunal si i pavarur.
“Megjithate, une do te vazhdoj te jem pjese e Asamblese Komunale te Gjakoves, duke e ushtruar mandatin tim si asamblist i pavarur, me perkushtim dhe pergjegjesi te plote ndaj qytetareve qe me kane besuar”, ka shkruar i njëjti.