Pakënaqësitë ndaj Gjykatës Speciale: Veteranët e UÇK-së protestojnë më 17 shkurt

Kryetari i Organizatës së Veteranëve të Luftës së UÇK-së, ka folur për mundësinë e mbajtjes së një proteste të radhës kundër Gjykatës Speciale me 17 shkurt. Ai tha se është në diskutim organizimi i një proteste më 17 shkurt në qendrën e Prishtinës, e cila synon të shprehë pakënaqësinë ndaj Gjykatës Speciale që, siç u shpreh ai “s’po di as vet se çfarë po bën”. “Ne jemi në diskutim e sipër për një protestë me 17 shkurt në qendër të Prishtinës, protesta do të jetë në shenjë pakënaqësie të gjykatës speciale që po e stërgjatë procesin. Ne ende s’kemi marrë vendim, por jemi në diskutim e sipër. Sipas gjasave, protesta do të mahet me 17, pikërisht një ditë para fjalës përfundimtare”, tha Gucati.