Kryetari i Drenasit thotë vlerëson që Kosova është ndër shtetet themeluese të nismës ndërkombëtare për paqe dhe stabilitet, duke theksuar rëndësinë embështetjes së fortë amerikane.
Kryetari i Drenasit, Ramiz Lladrovci, ka përgëzuar Kosovën dhe Presidenten Vjosa Osmani-Sadriu për pjesëmarrjen dhe nënshkrimin si shtet themelues në të ashtuquajturin “Bordi i Paqes”, një nismë të presidentit anerikan që, sipas tij, synon forcimin e stabilitetit dhe paqes globale.
Përmes një reagimi publik, Lladrovci bëri të ditur se në Davos të Zvicrës, presidenti amerikan Donald Trump ka marrë nënshkrime nga 19 shtetet e para për krijimin e këtij bordi, ku pjesë është edhe Kosova.
Ai e cilësoi praninë e Kosovës në këtë mekanizëm si një nderim për pavarësinë e vendit dhe si dëshmi të progresit ndërkombëtar të shtetit.
“Prania e Kosovës në këtë bord dhe nënshkrimi i Presidentes Osmani-Sadriu si pjesë e shteteve themeluese, është nderim për pavarësinë tonë. Po dëshmohet edhe një herë se Kosova është storje suksesi”, ka deklaruar Lladrovci.
Sipas tij, përfshirja në “Bordin e Paqes” e vendos Kosovën në rolin e një kontribueseje për stabilitetin në rajone të konfliktit, përfshirë edhe Gazën, me synimin për të ndihmuar në zgjidhjen e krizave globale.
Në fund, ai theksoi mbështetjen e vazhdueshme të Shteteve të Bashkuara për Kosovën, duke e cilësuar atë si vendimtare për rrugëtimin ndërkombëtar të shtetit.