Kandidati për deputet nga AAK-ja, Lahi Brahimaj ka marrë pjesë në varrimin e viktimave të tragjedisë së Jabllanicës.
“Në këtë ditë zie e pikëllimi të thellë, bashkë me mijëra bashkëkombas nga të gjitha trojet tona, përcollëm në amshim tre engjëjt tanë – Vetonin, Idealin dhe Ramën. Dhimbja jonë është e papërshkrueshme, por sot u lehtësua nga respekti i treguar sot nga çdo pjesë e tokave shqiptare”, ka shkruar Brahimaj.
Dy ditë më parë, një ndërtesë e pabanuar u shëmb, e në mesanatë u gjetën nën rrënojat e saj u gjetën trupat e tre fëmijëve që sot iu dha lamtumira nga qindra njerëz nga mbarë trojet shqiptare.
Postimi:
Në këtë ditë zie e pikëllimi të thellë, bashkë me mijëra bashkëkombas nga të gjitha trojet tona, përcollëm në amshim tre engjëjt tanë – Vetonin, Idealin dhe Ramën. Dhimbja jonë është e papërshkrueshme, por sot u lehtësua nga respekti i treguar sot nga çdo pjesë e tokave shqiptare.
Jabllanica e Dushkajës, sot qan bijtë e saj. Por në këtë ditë të zezë, solidariteti i treguar nga mbarë kombi ynë është dëshmi e forcës së pathyeshme të shpirtit tonë kombëtar. Kujtimi i Vetonit, Idealit dhe Ramës do të jetojë përjetësisht në zemrat tona.