Ministria e Punëve të Jashtme dhe Diasporës njofton se pas arrestimit të shtetasit kosovar dhe ish-ushtarit të UÇK-së, Mitehat Llozhani, në pikën kufitare Batrovci me Kroacinë, janë ndërmarrë të gjitha veprimet institucionale.
Zyra Ndërlidhëse e Kosovës në Serbi ka kërkuar sqarime nga autoritetet serbe dhe ka informuar Bashkimin Evropian dhe misionet diplomatike të Quint-it për sigurimin e të drejtave dhe sigurisë së Llozhanit.
Ambasadori Jetish Jashari është në kontakt të vazhdueshëm me familjen, ndërsa MPJD bën thirrje për presion ndërkombëtar ndaj Serbisë.