Presidentja e Kosovës, Vjosa Osmani, ka nxjerrë dekretin për thirrjen e seancës konstituive të Legjislaturës së Re të Kuvendit.
Seanca do të mbahet nesër, më 11 shkurt 2026, në orën 12:00.
Sipas njoftimit nga Presidenca, ky hap është ndërmarrë duke u bazuar në kompetencat kushtetuese dhe nevojën për stabilitet institucional.
“Pas konsultimit me shumicën e partive parlamentare të përfaqësuara në Kuvend dhe duke pasur parasysh urgjencën e krijimit të institucioneve, miratimit të buxhetit dhe marrëveshjeve ndërkombëtare, në përputhje me Kushtetutën dhe legjislacionin në fuqi, Presidentja ka vendosur që seancën konstituive të Kuvendit ta ftojë për nesër, më 11 shkurt 2026, në orën 12:00”, thuhet në njoftim.