Presidenti i Shqipërisë, Bajram Begaj, do të qëndrojë sot dhe nesër për vizitë zyrtare në Kosovë.
Policia e Kosovës ka njoftuar se do të angazhohet për ruajtjen e rendit dhe qetësisë publike, si dhe për menaxhimin e trafikut gjatë lëvizjes së eskortës dhe qëndrimit të delegacionit.
Sipas njoftimit, do të ketë ndërprerje të përkohshme të qarkullimit në disa segmente rrugore, përfshirë pikën kufitare në Vërmicë, me mundësi riorientimi në rrugë alternative.
Ndërkohë, në Kosovë po qëndron edhe kryeministri i Shqipërisë, Edi Rama.