Kryeministri i Shqipërisë, Edi Rama, e ka nisur mëngjesin e sotëm me publikimin e disa copëzave nga mbledhja e parë e Bordit të Paqes në Washington DC.
Në videon e shpërndarë prej tij në rrjetet sociale përfshihet edhe fjalimi i tij, ku i kërkoi presidentit amerikan, Donald Trump, të bëjë diçka lidhur me procesin gjyqësor të ish-krerëve të UÇK-së në Hagë.
Rama e ka shoqëruar videon me një mesazh në Facebook, ku ka shkruar: “MIRËMËNGJES dhe me këtë videokartolinë të takimit të Bordit të Paqes, ku mund të gjeni versionin origjinal të fjalës në emër të Shqipërisë, ju uroj një ditë të mbarë”.