Në frymën e solidaritetit dhe humanizmit që e karakterizon muajin e shenjtë të Ramazanit, Fondacioni Behxhet Pacolli ka shpërndarë sot pako ushqimore për familjet në nevojë në Xhaminë e Hajvalisë.
Kjo nismë vjen si pjesë e aktiviteteve bamirëse që fondacioni organizon gjatë Ramazanit, me qëllim që të ndihmojë familjet me gjendje të rënduar ekonomike, duke ua lehtësuar sadopak përballimin e shpenzimeve gjatë këtij muaji të shenjtë.
Paketat ushqimore përmbanin produkte bazë për konsum ditor, të cilat do t’u shërbejnë familjeve për iftar dhe syfyr.
Muaji i Ramazanit është kohë reflektimi, sakrifice dhe solidariteti, ku ndihma ndaj atyre që kanë më shumë nevojë merr një domethënie të veçantë. Veprime të tilla humanitare forcojnë ndjenjën e bashkësisë dhe kujdesit ndaj njëri-tjetrit.
