Agjentët e Shërbimit Sekret të SHBA dhe një zv.drejtor i Policisë së Qarkut Palm Beach qëlluan për vdekje një të ri në të 20-at e tij pas një hyrjeje të paautorizuar në perimetrin e sigurisë së resortit Mar-a-Lago, në orët e para të mëngjesit të 22 shkurtit.
Identiteti i të riut mbahet i fshehur deri në njoftimin e familjes së tij. Ai u pa pranë portës veriore të pronës duke mbajtur një armë tip shotgun dhe një kanister karburanti.
Agjentët konfrontuan të riun dhe gjatë përplasjes u hap zjarr nga autoritetet. Asnjë agjent i Shërbimit Sekret apo anëtar i PBSO-së nuk u lëndua, dhe në vendngjarje nuk kishte persona të mbrojtur nga Shërbimi Sekret në momentin e incidentit. Ndërkohë, presidenti Trump ato moment ndodhej në Shtëpinë e Bardhë.
Hetimi mbi incidentin, përfshirë sfondin e personit, veprimet, motivin e mundshëm dhe përdorimin e forcës, po kryhet nga FBI, Shërbimi Sekret i SHBA-së dhe Policia e Qarkut Palm Beach. Sipas politikave të agjencisë, agjentët e përfshirë janë vendosur në leje administrative rutinë deri në përfundimin e hetimeve.