Qeveria e Kosovës ka ndarë katër milionë euro nga buxheti për shqiptarët e Luginës së Preshevës, që vazhdojnë të përballen me diskriminim sistematik nga Serbia, për të cilën tashmë Kongresi Amerikan është vu në levizje.
Pas kësaj ndarje të buxhetit, Ardita Sinani, kryetare e Komunës së Preshevës, ka falenderuar kryeministrin Albin Kurti.
Tutje, Sinani ka vlerësuar se rritja e buxhetit erdhi pas kërkesës institucionale.
“Kjo rritje vjen si rezultat i kërkesës sonë institucionale, e cila është marrë parasysh dhe është reflektuar në vendimmarrje konkrete. Kjo është një dëshmi e partneritetit të qëndrueshëm dhe përkushtimit ndaj shqiptarëve të Preshevës, Bujanocit dhe Medvegjës” – ka shkruar Sinani.