Me nderime të larta nga institucionet, është marrë lamtumira e fundit për zyrtarin policor të Mitrovicës, Mehdi (Brahim) Ibrahimi.
Ibrahimi, i cili ndërroi jetë më 22 shkurt 2026 në moshën 47-vjeçare, u kujtua si një shërbyes i përkushtuar për rendin dhe sigurinë, duke lënë pas familjen dhe një numër të madh kolegësh e bashkëpunëtorësh.
Në ceremoninë e varrimit morën pjesë anëtarë të familjes, kolegë nga forcat policore, përfaqësues të institucioneve, si dhe qytetarë të shumtë, të cilët nderuan jetën dhe punën e tij, duke i bërë homazhe dhe e përcjellë me respekt në banesën e fundit.