Dy të rinj nga Mitrovica, Adrian Avdyli dhe Fidan Peci, dje humbën jetën në një aksident të rëndë trafiku në Itali.
Vdekja e tyre sidomos në moshë shumë të re natyrisht që ka shporuar rëndë shpirtrat e prindërve.
Nëna e 21 vjeçarit Adrian Avdyli, Merita, ka reaguar me një postim mjaft prekës që përshkruan dhimbjen e madhe të saj dhe të bashkëshortit.
Postimi i plotë pa ndërhyrje:
Biri ynë i dashur Adrian, sot na u shemb bota dhe na u nda zemra në mijëra copë. Në një çast të vetëm, në atë aksident të rëndë trafiku në Itali, ti u largove nga ne dhe more me vete gëzimin, dritën dhe frymën e shtëpisë sonë. Si është e mundur të ndahem nga djali që e rrita me duart e mia, që e mbajta në bark, që e rrita me sakrifica, me lutje e me dashuri të pafund? Zemra e nënës sot qan me zë, sepse humbi birin e saj, shpirtin e saj. Baba Bashkimi është i thyer thellë, sepse humbi krenarinë e jetës së tij, djalin që e donte më shumë se veten. Vëllau Nuari ka mbetur pa gjysmën e zemrës, pa shokun dhe mbështetjen e tij. Shtëpia jonë sot është në heshtje, çdo cep flet për ty, çdo kujtim djeg, por njëkohësisht na mban gjallë me dashurinë që na fale. Adrian, shpirti ynë, pse kaq herët, pse kaq papritur? Do të jetosh përjetë në zemrat tona, në çdo lot, në çdo lutje, në çdo frymëmarrje tonën. Zoti të mori pranë Tij, por për ne do të mbetesh gjithmonë djali ynë, gjaku ynë, krenaria jonë. Pushofsh në paqen e përjetshme, engjëlli ynë, derisa të takohemi sërish. Me dhimbje të pafund, Baba Bashkimi, Nëna Merita dhe Vëllau Nuari. Lutet Nana Allahun qe shpitint ton te dergoj ne lule txhentit siq ishe ti ne lule t’rins makpute shpirtin Adushi nanes.