Ministri i Punëve të Jashtme të Serbisë, Marko Gjuriq, ka deklaruar se lufta e Serbisë për Kosovën është e vazhdueshme dhe se lidhja e popullit serb me Kosovën mbetet e pandashme, pavarësisht rrethanave politike apo statusit juridik.
Ai mohoi pretendimet në rrjetet sociale se Serbia i ka kërkuar Rusisë të mos e ngrejë çështjen e Kosovës në Këshillin e Sigurimit të OKB-së, duke i quajtur ato “dezinformata”.
Gjuriq theksoi se Serbia do të vazhdojë përpjekjet diplomatike për Kosovën dhe u shpreh optimist se në të ardhmen historia dhe zhvillimet do të jenë në anën e Serbisë.