Sekretari i Energjisë i Amerikës, Chris Wright, ka deklaruar se pret që konflikti me Iran të përfundojë brenda pak javësh.
Në një intervistë për programin This Week të rrjetit ABC News, Wright tha se zhvillimet mund të ndodhin edhe më shpejt se sa parashikohet.
“Mendoj se ky konflikt me siguri do të përfundojë në javët e ardhshme – mund të jetë edhe më shpejt se kaq,” u shpreh ai.
Sipas tij, përfundimi i konfliktit pritet të ndikojë edhe në tregjet energjetike globale, duke sjellë një rimëkëmbje të furnizimeve me energji dhe një ulje të çmimeve pas stabilizimit të situatës.