Një person i dyshuar për veprat penale “keqpërdorim i pozitës apo autoritetit zyrtar” dhe “legalizim i përmbajtjes së rreme” është ekstraduar nga Shqipëria në Kosovë.
Sipas raportit të policisë, rasti daton nga viti 2017 në Vushtrri, ndërsa më 18 mars 2026 autoritetet shqiptare kanë realizuar ekstradimin e të dyshuarit, shtetas i Shqipërisë.
Ai kishte qenë në arrati dhe dyshohet se ishte pajisur me dokumente të Republikës së Kosovës, duke u prezantuar me dokumente të kundërligjshme.
Pas pranimit nga zyrtarët policorë që kanë trajtuar rastin, i dyshuari është dërguar në gjykatë për procedura të mëtejme.