Partia Demokratike e Kosovës e ka lëshuar seancën e Kuvendit.
Ky vendim i PDK-së erdhi pas dështimit të arritjes së një kompromisi mes partive për të futur në rendin e ditës draft-rezolutën për mbrojtjen e luftës.
Për shkak të mosmarrëveshjeve mbi prioritetin e pikave, PDK vendosi të tërheqë dokumentin, duke e lënë të hapur diskutimin për këtë çështje në seanca të ardhshme.
Vlora Çitaku tha se kjo pikë është më e rëndësishme se çdo marrëveshjet ndërkombëtare.
“Kryetare, grupet parlamentare, të gjithë deputetët, e kanë pranuar tekstin e rezolutës dje, ka pasur kohë të mjaftueshme që grupet të japin vërejtjet e tyre. Megjithatë, ne jemi të gatshëm që të ulemi bashkë sepse për ne, dhe për secilin deputet, nuk ka bash asnjë çështje tjetër më të rëndësishme se trajtimi i kësaj rezolute, votimi në unanimitet.
Jemi të gatshëm të takohemi, por nuk jemi të gatshëm të bëjmë kompromis. Kryetare, ua dhamë votat për marrëveshjet ndërkombëtare, por kjo rezolutë në mbrojtje të vërtetës historike, në mbrojtje të viktimave, është më e rëndësishme se çdo marrëveshje ndërkombëtare. Ju lutem kryetare, tjetër punë na nuk kemi, rrimë këtu edhe 5 orë, ta kryejmë sot dhe ta kryejmë si pikë të parë të rendit të ditë. Kjo është kërkesa jonë.”