Kreu i BDI-së, Ali Ahmeti, ka deklaruar se gjuha shqipe nuk është dhe nuk do të jetë kurrë çështje negocimi në Maqedonia e Veriut.
Përmes një letre të hapur, ai theksoi se statusi i shqipes si gjuhë zyrtare është pjesë e barazisë kushtetuese dhe e identitetit të shqiptarëve.
Ahmeti nënvizoi se Marrëveshja e Ohrit mbetet themel i shtetit dhe paralajmëroi se çdo përpjekje për të kufizuar përdorimin e gjuhës shqipe cenon rendin kushtetues dhe stabilitetin e vendit.
Ai shtoi se të drejtat e fituara nuk negociohen dhe nuk mund të zhbëhen.