Deputetja e Partisë Demokratike të Kosovës, Vlora Çitaku ka kritikuar kryeministrin Albin Kurti për fjalimin e tij në Kuvend për media ku ky i fundit tha se mediat kanë marrë para me thasë nga Serbia.
Çitaku e quajti këtë deklarat skandaloze dhe të papranueshme dhe se sipas saj kjo është një përpjekje për të hedhur mjegull.
“Një njeri që ka pasur pushtet pothuajse absolut në Kosovë për gati gjashtë vite, del dhe hedh akuza të rënda, duke pretenduar se media kanë marrë para nga Serbia”, u shpreh Çitaku.
Gjithashtu ajo kërkoj që i pari i ekzekutivit të dalë me emra dhe fakte se kush janë ata që marrin para nga shteti fqinj.
“Kush ka marrë para nga Serbia, Albin? Kush? Nxirr emrat. Nxirr faktet”, tha Çitaku.
Postimi i plotë:
Skandaloze dhe e papranueshme deklarata dhe sulmet e Albin Kurtit sot nga foltorja e Kuvendit kundër mediave.
Një njeri që ka pasur pushtet pothuajse absolut në Kosovë për gati gjashtë vite, del dhe hedh akuza të rënda, duke pretenduar se media kanë marrë para nga Serbia.
Kjo është përpjekje për të hedhur mjegull dhe për të shmangur përgjegjësinë.
Kush ka marrë para nga Serbia, Albin? Kush? Nxirr emrat. Nxirr faktet.
Mjaft më me sulme dhe etiketime të pabazuara kundër mediave të lira.
Një njeri që mban në pushtet Martin Berishajn, për të cilin janë publikuar fakte për afera milionëshe me GEN-in serb, dhe vazhdon ta mbajë ambasador, nuk ka as kredibilitet moral dhe as të drejtë të sulmojë të tjerët.
Ndërkohë, atij që përhap narracione të UDB-së për masakrën e Dubravës, i financohen botime dhe i promovohen nëpër sheshe e ambasada.
Boll më.