Togerja e FSK-së, Ermona Meshi është diplomuar me sukses në Adjutant General School të Ushtrisë së Shteteve të Bashkuara, duke u vlerësuar me medaljen prestigjioze “United States Diplomatic Medal” si studente ndërkombëtare e dalluar.
Ky sukses merr një vlerë të veçantë, pasi Ermona është mbesa e dëshmorëve Afrim dhe Bashkim Meshi, dy vëllezër që ranë heroikisht për lirinë e atdheut.
Ajo sot vazhdon me dinjitet rrugën e sakrificës, duke nderuar emrin dhe veprën e tyre.
Me përkushtim dhe rezultate të shkëlqyera, Ermona Meshi përfaqëson denjësisht vlerat shqiptare në arenën ndërkombëtare, duke u bërë një shembull frymëzues për brezat e rinj.
