Bundesliga ka veçuar paraqitjet e shkëlqyera të Fisnik Asllanit, duke publikuar një video me pesë momentet më të mira të tij, përfshirë golat dhe asistimet.
Ylli i Kosovës po kalon formë të jashtëzakonshme te Hoffenheimi, ndërsa paraqitjet e tij kanë tërhequr vëmendjen e gjigantëve evropianë si Barcelona, Bayern Munich dhe Borussia Dortmund.
Videoja është publikuar në rrjetin social “TikTok”, ku Bundesliga ka përmbledhur pesë momentet më të mira të Asllanit me fanellën e Hoffenheimit.
Në vendin e parë është renditur supergoli ndaj Heidenheimit të Diant Ramajt, ndërsa në pozitën e dytë asistimi kundër Bayern Munichut.
Ndërkohë, Asllani pritet të rikthehet në fushë këtë vikend në ndeshjen kundër Mainz 05.