Nexhi Krasniqi nga Kosova ka kontestuar fotografitë e planerit Tokë, të shkrepura nga Hëna nga misioni Artemis II.
Ndërkohë që NASA në profilin e saj në Facebook ka publikuar fotografitë epike të realizuara nga ekuipazhi i Artemis II, Krasniqi ka shprehur dyshime për origjinën e tyre.
Në një koment në statusin e NASA-s, ai ka pyetur se pse në këto fotografi nuk duken yjet. Sipas tij, fotografitë janë krijuar me inteligjencë artificiale.
“Pse nuk po duken yjet nga kjo pozitë? Dyshoj që është krijuar nga inteligjenca artificiale!”, ka shkruar Krasniqi.
NASA i është përgjigjur duke sqaruar arsyen shkencore: “Nexhi Krasniqi, nuk mund të shohim yje në këto imazhe sepse yjet duken relativisht shumë të zbehtë krahasuar me Hënën, e cila është shumë më afër dhe pasqyron shumë më shumë dritë. Kamerat mund të kapin vetëm një gamë të caktuar midis pjesëve më të ndritshme dhe më të errëta të skenës”, ka thënë NASA.