Përfaqësuesi i Sindikatës së Shërbyesve Civilë, Ali Sefaj, në një deklaratë për DTV Media, ka komentuar zhvillimet e fundit politike në vend, duke kritikuar qëndrimin e partive opozitare ndaj formimit të qeverisë.
Sipas tij, Partia Demokratike e Kosovës (PDK) mund të pësojë të njëjtin fat si Lidhja Demokratike e Kosovës (LDK), nëse refuzon të bëhet pjesë e një qeverie të opozitës.
Sefaj theksoi se partitë opozitare duhet të dalin hapur para qytetarëve dhe të deklarojnë qartë qëndrimin e tyre, duke mos pranuar, siç u shpreh ai, “kukullën” e kryeministrit Albin Kurti.
Ai shtoi se opozita aktualisht ka një mundësi të artë politike për të ndikuar drejtpërdrejt në zhvillimet institucionale, duke mos votuar presidentin e ardhshëm, veprim që sipas tij do të çonte në shkurtimin e mandatit të kryeministrit.