Sot është duke u mbajtur seanca gjyqësore në rastin e vrasjes së Liridona Ademajt, ku palët në procedurë kanë dhënë fjalën përfundimtare.
Tre të akuzuarit: Naim Murseli, Granit Plava dhe Kushtrim Kokalla kanë deklaruar se nuk janë fajtorë lidhur me aktakuzën e ngritur nga prokuroria.
Ndërkaq prokurorja Javorka Prelinçeviq, në fjalën e saj përfundimtare, përveç se ka kërkuar nga trupi gjykues që të tre të dënohen me burgim të përjetshëm, po ashtu ka kërkuar që të aprovohet kërkesa e saj që ndaj Kokallës të mos ketë ndjekje penale për veprën ‘Moslajmërimi i veprave penale apo kryesve të tyre’, të gjykohet vetëm për “Ndihmë në kryerjen e vrasjes së rëndë”.