Shtetet e Bashkuara kanë sulmuar dhe sekuestruar një anije mallrash me flamur iranian, të cilën e kanë akuzuar se ka tentuar t’i shmanget bllokadës detare pranë Ngushticës së Hormuzit të hënën.
Ky është ndalimi i parë që nga fillimi i bllokadës amerikane ndaj porteve iraniane javën e kaluar, sipas AP, transmeton KosovaPress.
Ushtria e Iranit ka dënuar veprimin e SHBA-së, duke e quajtur atë “pirateri detare” dhe duke deklaruar se “Irani do të përgjigjet së shpejti”.
Irani të hënën publikoi një bilanc të ri të viktimave të luftës, me kreun e mjekësisë ligjore që tha se të paktën 3,375 persona janë vrarë në konflikt, përcjell KosovaPress. Shifra u dha nga Abbas Masjedi, drejtues i Organizatës së Mjekësisë Ligjore të Iranit. Masjedi tha se vetëm katër prej viktimave mbeten të paidentifikuara.
Presidenti Donald Trump tha të dielën se negociatorët amerikanë do të jenë të hënën në Pakistan për një tjetër raund bisedimesh me Iranin, por zyrtarët iranianë nuk reaguan drejtpërdrejt ndaj njoftimit të tij.
Një armëpushim 10-ditor mes Izraelit dhe Libanit duket se po respektohet deri tani.