DTV Media ka shpallur konkurs të hapur për përzgjedhjen e aktorëve për një prodhim të ri televiziv, duke ftuar të gjithë talentët e interesuar të aplikojnë në fillim të muajit maj.
Sipas njoftimit, audicionet do të mbahen më 6 dhe 7 maj, duke filluar nga ora 12:00. Konkursi synon të përfshijë aktorë të grupmoshave të ndryshme dhe me profile të ndryshme karakteresh.
Rolet e kërkuara përfshijnë:
Aktorë të moshës 22–35 vjeç, me karakter energjik, rebel dhe me vetëbesim;
Aktorë të moshës 35–55 vjeç, me karakter autoritar, serioz dhe misterioz;
Figurantë të të gjitha moshave për skena të ndryshme grupore.
Organizatorët bëjnë të ditur se janë në kërkim të talenteve të rinj, por edhe emrave të afirmuar, me qëllim që të sjellin në ekran një histori emocionale dhe tërheqëse për publikun.
Të interesuarit duhet të dërgojnë një CV artistike dhe një video-monolog prej 2 deri në 4 minutash në emailin zyrtar të kompanisë, deri më 4 maj 2026.
Ky projekt pritet të jetë një mundësi e mirë për aktorët që duan të afirmohen në industrinë televizive dhe të bëhen pjesë e një produksioni të ri vendor.
