Ramush Haradinaj ka njoftuar se Aleancës për Ardhmërinë e Kosovës (AAK) iu është bashkuar Agron Kajtazi, veteran i Ushtrisë Çlirimtare të Kosovës nga Runiku i Skenderajt.
Haradinaj me anë të një njoftimi në ‘Facebook’ tha se Kajtazi shërbeu si 16-vjeçar në UÇK, e më pas edhe në Trupat Mbrojtëse të Kosovës (TMK).
“Qasja e tij politike, si në nivel lokal ashtu edhe në atë nacional, ka qenë aktive, duke shërbyer për një mandat edhe si asambleist në Kuvendin Komunal të Skënderajt në vitet 2017–2021.
Agroni i bashkohet listës së Aleancës për zgjedhjet e 7 qershorit, duke sjellë me vete përvojën, përkushtimin dhe besimin në rrugëtimin tonë të përbashkët në shërbim të qytetarëve”, deklaroi Haradinaj.