Kryetari i Lidhjes Demokratike të Kosovës (LDK), Lumir Abdixhiku, e ka zyrtarizuar propozimin e tij si kandidat i kësaj partie për kryeministër në zgjedhjet e 7 qershorit.
Ai ka konfirmuar gjithashtu se ka propozuar një garim të përbashkët me Vjosa Osmanin si kandidate për presidente.
“Në këtë propozim timin, kam propozuar garim të përbashkët për President të Republikës dhe për Kryeministër të Republikës”, ka njoftuar Abdixhiku gjatë fjalimit të tij në Këshillin e Përgjithshëm të partisë.
“Kam propozuar që Lidhja Demokratike e Kosovës të garojë me Presidenten Vjosa Osmani si kandidate për Presidente të Republikës dhe njëkohësisht bartëse të listës sonë zgjedhore; dhe me mua, Kryetar të LDK-së, kandidat nga LDK për Kryeministër të Republikës”.
Abdixhiku ka pohuar se ky propozim është mbështetur dhe votuar në plotni nga Kryesia e Lidhjes Demokratike të Kosovës.