Deputetja e Lidhjes Demokratike e Kosovës, Doarsa Kica-Xhelili, ka folur për raportin dhe bashkëpunimin me Vjosa Osmani, duke e cilësuar atë si të sinqertë dhe të bazuar në besim politik.
Kica-Xhelili deklaroi se nuk do të ishte pjesë e listës së LDK-së për deputete nëse nuk do ta besonte vizionin dhe drejtimin politik që përfaqëson kjo parti.
“Është bashkëpunim i sinqertë. Nuk do të isha në listë po të ishte ndryshe”, u shpreh ajo.
Tutje, deputetja tha se nuk do të kërkonte votën e qytetarëve nëse nuk do ta besonte vetë projektin politik që përfaqëson.
“Nëse nuk do ta besoja këtë vizion, nuk do të isha në listë për deputete dhe nuk do të kërkoja votë”, deklaroi Kica-Xhelili.
Ajo shtoi se e ka parë si të domosdoshëm bashkimin e njerëzve brenda LDK-së, duke lënë të kuptohet se uniteti është i rëndësishëm për forcimin e partisë dhe rikthimin e besimit te qytetarët.