Dy meshkuj dhe një femër janë arrestuar dje në rrugën “Tahir Zemaj” në Fushë-Kosovë.
Pas hetimeve të zhvilluara në lidhje me rastin, Policia ka identifikuar dhe arrestuar të dyshuarit.
Gjatë kontrollit në veturën dhe banesën e tyre janë gjetur dhe sekuestruar: 401 gramë substancë që dyshohet të jetë narkotike e llojit marihuanë, 110.3 gramë substancë që dyshohet të jetë narkotike e llojit kokainë, si dhe 120 tableta të dyshuara si ekstazi me peshë 25 gramë.
Po ashtu, si prova materiale nga të dyshuarit janë sekuestruar edhe 3 telefona celularë, 1 peshore digjitale, si dhe një fletore dhe një bllok xhepi me shënime për shitje të narkotikëve.
Të tre të dyshuarit, pas intervistimit dhe me urdhër të prokurorit, janë dërguar në mbajtje.