Deputeti i Lidhjes Demokratike të Kosovës, Besian Mustafa, ka kritikuar ashpër Lëvizja Vetëvendosje gjatë paraqitjes së tij në emisionin “N’Pikë” në DTV Media.
Mustafa deklaroi se VV-ja ka ndërtuar dy linja propagande politike. Sipas tij, propaganda e parë ka qenë pretendimi se Kosova është gjetur e “shkatërruar ekonomikisht” nga partitë e mëparshme, të cilën ai e quajti propagandë antikombëtare.
Ai tha se mbi këtë premisë Vetëvendosje erdhi në pushtet, duke premtuar se “do ta bëjë Kosovën Zvicër”, por sipas Mustafës, realiteti sot tregon të kundërtën.
“Rezulton që Kosova vazhdon të jetë shteti i dytë më i varfër në Evropë”, u shpreh ai.