Deputeti i Lidhjes Demokratike të Kosovës, Besian Mustafa, gjatë paraqitjes në emisionin “N’Pikë” në DTV Media, ka vlerësuar lart rolin e kryetarit të LDK-së, Lumir Abdixhiku, në bashkimin e figurave të së djathtës shqiptare.
Mustafa deklaroi se Abdixhiku pati guximin për t’i bashkuar njerëzit brenda LDK-së, me synimin për ta rritur dhe forcuar partinë.
Sipas tij, “bashkimi i madh i së djathtës” paraqet rikthim në politikën tradicionale shqiptare në Ballkan, duke theksuar se shqiptarët historikisht kanë qenë të orientuar djathtas.
“Në rrafshin praktik, kjo do të thotë bashkim i figurave që besojnë dhe mëshirojnë vlerat e së djathtës, dhe meritën për këtë bashkim e ka Lumir Abdixhiku”, u shpreh Mustafa.
Ai shtoi se të njëjtën qasje Abdixhiku e ka dëshmuar edhe në Prishtinë, përmes bashkëpunimit me kryetarin e komunës, Përparim Rama.