Prokuroria Speciale ia ka kthyer Shkëlzen Gashit telefonin e konfiskuar para rreth gjashtë javësh, ka njoftuar të mërkurën avokati i tij Arianit Koci.
Gashi, ish-këshilltar i kryeministrit në detyrë Albin Kurti, ndodhet nën hetime nga Prokuroria Speciale për nxitje të përçarjes dhe mosdurimit lidhur me ekspozitën për krime lufte të prezantuar në sheshin ‘Nënë Tereza’ në Prishtinë në fund të muajit mars.
Avokati i tij Arianit Koci tha sot se pret që rasti ndaj klientit të tij të mbyllet “shumë shpejt”.
Postimi i plotë i avokatit Arianit Koci:
“Xen, pse e ke marrë Kocin si avokat? Nuk është me neve” – i kanë thënë kur e kam marrë përsipër mbrojtjen e tij.
“A nuk pate punë tjetër veç me e mbrojtë Xenin a? Plus, është me VV-në dhe shok i Albinit” – më thonin pala tjetër, mua.
Xeni më ka angazhu sepse mendon që jam avokat i mirë.
Jo çdo raport mes njerëzve kalon kah politika.
Kjo ndarja në “tanët” dhe “atyne” na ka lodhë krejtve.
Ka ardhë koha, me u ulë tensionet!
P.S.
Laptopi dhe telefoni i janë kthyer nga Prokuroria Speciale.
Pres që edhe rasti me u mbyllë shpejt