Arta Demaj, vajza e vetme e dëshmorit Fehmi Demiqi, në përvjetorin e rënies së babait, ka shkruar fjalë prekëse, duke thënë se ai u bë pavdekësi për atdheun.
Ajo shkroi se jeta e vrau pa e njohur kurrë, e pa e ndjerë kurrë dorën e babait mbi kokën e saj.
“Këtë përvjetor të lavdishëm tëndin, Babë, ti u bëre pavdekësi për atdheun, ndërsa mua më vrau jeta pa të njohur kurrë. S’e dëgjova zërin tënd, s’e ndjeva dorën tënde mbi kokën time”.
“E unë, si amaneti yt i vetëm,si fëmiu yt i vetëm, që le pas mbeta me një mall që s’mbaron kurrë. Por me betimin se emrin tënd do ta bëj krenari ndër breza”, ka shkruar ajo.