Një person ka vdekur në orët e mbrëmjes të së mërkurës nga të shtënat me armë zjarri në Prishtinë.
Policia e Kosovës në raportin e sotëm 24 orësh ka bërë të ditur se i dyshuari është ende në arrati.
“Është raportuar për të shtëna me armë zjarri ku si pasojë viktima mashkull kosovar është qëlluar nga i dyshuari mashkull kosovar i cili është larguar në drejtim të panjohur dhe ndodhet në kërkim policor”, thuhet në raport.
Viktima i vrasjes së mbrëmshme është Agron Hajdari, i njohur me nofkën Radulla.
Dëshmitarë nga vendi i ngjarjes kanë deklaruar se personi që ka shtënë ka qenë i maskuar dhe pas kryerjes së aktit është larguar në drejtim të panjohur.