Niq Krasniqi, kandidat për deputet nga radhët e Lidhjes Demokratike të Kosovës (LDK), ka kërkuar mbështetjen e qytetarëve në zgjedhjet e 7 qershorit, duke e lidhur numrin e tij zgjedhor me një nga vitet më të rëndësishme në historinë e Kosovës.
Krasniqi, veprimtar i kahershëm i LDK-së dhe pjesë e diasporës shqiptare, ka theksuar se viti 1998 shënon fillimin e ndryshimit të madh historik që çoi drejt lirisë, pavarësisë dhe demokracisë së Kosovës.
“1998 është viti kur në Kosovë e kemi arritur ndryshimin e madh historik për realizimin e Lirisë, Pavarësisë dhe Demokracisë. Numri 98 është numri im për t’u bashkuar dhe realizuar ndryshimin e madh politik në Kosovë, në shërbim të funksionimit të Lirisë, Pavarësisë dhe Demokracisë”, ka deklaruar Krasniqi.
Duke ardhur nga diaspora, ai vlerësohet si një nga veprimtarët që për vite me radhë ka kontribuar në mbështetjen e proceseve demokratike dhe forcimin e LDK-së. Krasniqi synon që përvojën dhe angazhimin e tij ta vendosë në shërbim të qytetarëve dhe zhvillimit të Kosovës.