Zëdhënësi i PDK-së, Blerand Stavileci ka deklaruar se partia e tij ka arritur rezultat të madh në zgjedhjet e 9 shkurtit.
Ai ka thënë se PDK-ja është konfirmuar si forca e dytë më e madhe në vend.
“PDK-ja ka arritur një rezultat të madh, PDK-ja është konfirmuar si forca e dytë më e madhe në vend me mbi 200 mijë vota. Ky është rezultati më i mirë i PDK-së në shumë vite”, ka thënë Stavileci në një konferencë për media.
“Ky është sukses i pamohueshëm për ne dhe mesazh për të ardhmen e vendit tonë. Rezultati tregon se ata tregojnë një qeveri të re, një qeveri tjetër, votuesit treguan se Kosova mundet ma mirë”, ka thënë ai.
Stavileci ka deklaruar se kryetari PDK-së dhe kandidati për kryeministër i kësaj partie, Bedri Hamza do të dalin me një njoftim tjetër për hapat e ardhshëm.