Komisioni Qendror i Zgjedhjeve ka publikuar rezultatet e para preliminare pas nisjes së numërimit të votave në zgjedhjet e së dielës.
Sipas përditësimit të orës 19:34, janë përpunuar 5,061 vota, ndërsa janë procesuar 45 nga 2,498 vendvotime, apo 1.80 për qind e tyre.
Bazuar në rezultatet e deritanishme, prin Lëvizja Vetëvendosje me 1,523 vota apo 33.74 për qind.
Pas saj renditen: Partia Demokratike e Kosovës (PDK) – 825 vota ose 18.28 për qind; Lidhja Demokratike e Kosovës (LDK) – 699 vota ose 15.49 për qind; Aleanca për Ardhmërinë e Kosovës (AAK) – 411 vota ose 9.11 për qind; Srpska Lista – 390 vota ose 8.64 për qind.