Në ambientet e Regjimentit të Këmbësorisë së Jugut në Poshnjë është zhvilluar ceremonia e nisjes së Kontingjentit KFOR 8, i cili do të shërbejë në misionin paqeruajtës në Pejë të Kosovës.
Forcat Tokësore të Shqipërisë kanë bërë të ditur se efektivët shqiptarë nisen drejt këtij misioni me profesionalizëm, përkushtim dhe përgjegjësi të lartë, në mbështetje të paqes, sigurisë dhe stabilitetit në rajon.
Në njoftim theksohet se pjesëtarët e kontingjentit do të kontribuojnë përkrah aleatëve të NATO-s në operacionet ndërkombëtare, duke dëshmuar gatishmëri dhe standarde të larta ushtarake.
Forcat Tokësore i kanë uruar suksese kontingjentit KFOR 8 në detyrën e tyre në Kosovë, si dhe një kthim të sigurt në atdhe pas përfundimit të misionit.