Familja Salihu, e heroit të kombit Jashar Salihu, ka njoftuar të afërmit, miqtë dhe dashamirët, se pas përfundimit të procedurave për transferimin e trupit nga Zvicra në Kosovë, varrimi i të ndjerit Blerim Jashar Salihu, i cili ka humbur jetën tragjikisht në një aksident komunikacioni në Zvicër dje, do të bëhet të mërkurën, më 17 qershor 2026, në orën 17:00, në varrezat e reja të fshatit Botushë, komuna e Gjakovës.
Me këtë rast, familja Salihu ka shprehur mirënjohjen dhe respektin e saj të thellë për të gjithë ata që kanë ndarë dhimbjen me të, qoftë përmes vizitave ngushëlluese, mesazheve, telefonatave apo publikimeve në medie dhe rrjete sociale, njëkohësisht ka bërë me dije se e pamja për ngushëllime do të mbahet në odën e fshatit Botushë sipas këtij orari:
E mërkurë, 17 qershor 2026, nga ora 08:00 deri në 15:00;
E enjte, 18 qershor 2026, nga ora 08:00 deri në 15:00;
E premte, 19 qershor 2026, nga ora 08:00 deri në 15:00.