Drejtoria Rajonale e Policisë në Gjilan ka njoftuar se gjatë periudhës 12-18 qershor 2026, në kuadër të aktiviteteve të ndërmarra për rritjen e sigurisë në trafikun rrugor, janë shqiptuar gjithsej 1,534 gjoba për shkelje të ndryshme të rregullave të komunikacionit.
Gjatë së njëjtës periudhë, policia ka hetuar tetë aksidente trafiku me dëme materiale, si dhe 15 aksidente ku persona të ndryshëm kanë pësuar lëndime.
Sipas të dhënave të publikuara, janë shqiptuar 56 gjoba për mosvendosjen e rripit të sigurisë, 34 gjoba për përdorimin e telefonit gjatë ngasjes dhe 34 të tjera për modifikimin e automjeteve me folje të errëta.
Në kuadër të masave për rritjen e sigurisë në rrugë, 46 ngasësve u është ndaluar drejtimi i mjeteve motorike.
Policia e Gjilanit ka apeluar te qytetarët që në rastet e aksidenteve me dëme të vogla materiale të tregojnë kujdes, të bashkëpunojnë me njëri-tjetrin dhe të përdorin raportin evropian të aksidenteve, duke kontribuar në këtë mënyrë në rritjen e sigurisë në trafik.