Në Qendrën e Numërimit dhe Rezultateve ka përfunduar rinumërimi i 185 vendvotimeve të rregullta me vendim të KQZ’së.
Pjesa më e madhe e vendvotimeve ishin rinumëruar dje, teksa paraditen e sotme i janë nënshtruar procesit nëntë vendvotimet e mbetura.
Sipas vendimit të KQZ-së, numri i vendvotimeve të rinumëruara përbën 7.41% të 2,498 vendvotimeve të rregullta, në të cilat është zhvilluar votimi më 7 qershor 2026.
Numri i vendvotimeve, për të cilat KQZ vendosi që të rinumërohen, sipas komunave është si në vazhdim: Deçan (4 vendvotime, 8.33%); Gjakovë (10, 6.94%); Gllogoc/Drenas (5, 6.85%); Gjilan (9, 7.09%); Dragash (4, 7.02%); Istog (4, 6.67%); Kaçanik (3, 6.82%), Klinë (5, 8.06%); Fushë Kosovë (5, 8.06%); Kamenicë (3, 6.52%); Mitrovicë e Jugut (7, 7%); Leposaviq (2, 8%); Obiliq (3, 8.82%); Rahovec (5, 6.67%); Pejë (9, 6.67%); Poduejevë (7, 6.80%) Prishtinë (18, 6.87%); Prizreni (16, 6.90%); Skëndera (5, 7.04%), Shtime (3, 9.09%) Shtërpcë (2, 11.76%); Suharekë (6, 6.98%); Ferizaj (10, 6.85%); Viti (5, 8.06%); Vushtrri (6, 6.74%); Zubin Potok (2, 13.33%); Zveçan (2, 18.18%); Malishevë (5, 6.94%); Junik (1, 16.67%); Mamushë (1, 20%); Hani i Elezit (1, 9.09%); Graçanicë (3, 9.09%); Ranillug (1, 10%); Partesh (1, 14.29%); Kllokot (2, 25%) dhe Mitrovicë e Veriut (2, 9.52%).
KQZ ka paraparë këtë masë kontrollipër të adresuar problemet e evidentuara në disa nga Qendrat Komunale të Numërimit gjatë numërimit të votave të kandidatëve për deputetë nga zgjedhjet e dhjetorit të vitit të kaluar. Qëllimi është që të sigurohet që numërimi është zhvilluar me saktësi”, theksohet në njoftim.
KQZ ka deklaruar të mërkurën se është e gatshme për shpalljen e rezultateve përfundimtare, por se vetëm po pret përfundimin e afatit për ankesa.
Planifikimi ka qenë që ato të shpallen me 26 qershor, e certifikimi me 6 korrik.