Pas përfundimit të procesit të votimit të fshehtë dhe numërimit të votave, janë zgjedhur dy anëtarë të rinj të Këshillit Gjyqësor të Kosovës.
Gjyqtarja Valentina Sopjani nga Gjykata Themelore në Prishtinë dhe gjyqtari mbikëqyrës Agron Maxhuni nga Gjykata Themelore në Mitrovicë, Dega në Vushtrri, janë zgjedhur anëtarë të Këshillit Gjyqësor të Kosovës.
Zgjedhja e tyre është bërë në raundin e parë, me shumicën e votave të gjyqtarëve pjesëmarrës në proces.
Procesi i votimit është zhvilluar me votim të fshehtë dhe pas numërimit zyrtar të votave, duke përmbyllur kështu procedurën për zgjedhjen e përfaqësuesve të rinj në KGJK.