Këngëtari i njohur dhe shumë i dashur për publikun, Ermal Fejzullahu, vazhdon të dëshmojë pasionin e tij të madh për makinat luksoze. Së fundmi, ai ka shtuar në koleksionin e tij një super makinë, duke bërë të vetin një nga modelet më të kërkuara dhe më ekskluzive të momentit.
Lajmi është bërë i ditur nga vetë Ermali përmes rrjeteve sociale.
Bëhet fjalë për një Mercedes-Benz G450d Facelift tërësisht të zi, një mjet që ndërthur në mënyrë perfekte fuqinë, luksin dhe elegancën në rrugë.
Sa i përket vlerës së kësaj blerjeje të re, çmimi bazë i fabrikës për këtë model në tregun evropian fillon nga rreth 140,000 €.
Ky investim nuk është një surprizë për ndjekësit e Ermalit, i cili njihet për shijen e tij të mirë dhe dëshirën për të udhëtuar me stil dhe komoditet maksimal.